أدوات الكشف للطبيب في الامتياز والنبطشية مش كتير، بس لازم تكون معاك: سماعة، تورش طبي (Pen torch) لفحص الحدقة والزور، شاكوش ريفلكس، ترمومتر، جهاز ضغط يدوي، ومنظار أذن لو بتلف أطفال أو أنف وأذن. الأدوات دي كمان هي اللي بتتطلب في سكاشن الفحص والـ OSCE.
الجدول ده بيلخص أدوات الكشف اللي بنرشحها لشنطة الطبيب، وكل أداة بتستخدمها في إيه. الأولوية حسب مكان شغلك: الباطنة والطوارئ محتاجين سماعة وضغط وتورش، والأعصاب محتاجة شاكوش وشوكة رنانة، والأطفال والأنف والأذن محتاجين منظار أذن.
| الأداة | بتستخدمها في إيه | الأولوية |
|---|---|---|
| سماعة طبية | القلب والصدر والبطن وقياس الضغط اليدوي | أساسية |
| تورش طبي Pen Torch | حدقة العين ورد فعلها للضوء، الزور والبق، الجلد والجروح | أساسية |
| شاكوش ريفلكس بفرشاة | الـ Reflexes والإحساس بالألم واللمس الخفيف | أساسية |
| ترمومتر زئبقي عريض | قياس الحرارة من غير بطاريات | مهمة |
| جهاز ضغط يدوي (Aneroid) | قياس الضغط بالطريقة اليدوية | مهمة |
| منظار أذن Otoscope | فحص الأذن والطبلة | حسب التخصص |
| شوكة رنانة | الإحساس بالاهتزاز (128 Hz) واختبارات السمع Rinne و Weber (512 Hz) | حسب التخصص |
التورش الطبي (Pen torch أو Medical torch) من أكتر الأدوات اللي بتضيع أو بتفصل بطاريتها في نص النبطشية. علشان كده التورش اللي عندنا بيتشحن بـ USB من الشاحن أو اللابتوب، بإضاءة LED مركزة وجسم ألومنيوم خفيف بشكل قلم يتعلق في جيب البالطو.
اشحن التورش مع موبايلك قبل النبطشية، وخليه دايمًا في نفس الجيب. أغلب التورشات بتضيع لأنها بتتنقل من جيب لجيب.
شاكوش الريفلكس بالفرشاة بيجمع 3 أدوات في واحدة: رأس مطاط بوشين للـ Reflexes، وإبرة بتتفك لفحص الإحساس بالألم، وفرشاة للمس الخفيف، بيد ستانلس ستيل طولها حوالي 18 سم. أما الشوكة الرنانة فمن سبيكة ألومنيوم ومتاحة بترددين: 128 Hz للفحص العصبي و512 Hz لاختبارات السمع.
غلطة شائعة: شراء شوكة 512 Hz وانت محتاجها لفحص الاهتزاز في الأعصاب. اختار التردد حسب استخدامك قبل ما تطلب.
لو بتتعلم تقيس الضغط بالطريقة اليدوية (Auscultatory) اللي بتتطلب في السكاشن والـ OSCE، جهاز Granzia Palmotens L Plus بييجي طقم: الجهاز وكفة للكبار وسماعة وشنطة، وبيشتغل بإيد واحدة، بعلامة CE وضمان سنتين. ولو عاوز تقارن الأنواع شوف قسم أجهزة الضغط الزئبقي.
والترمومتر الزئبقي العريض تدريجه 35–42°C و94–108°F مع علامة واضحة عند 37، ومن غير بطاريات ولا شاشة، وده بيخليه بسيط ومش بيعطل.
منظار الأذن Professional Diagnostic Otoscope بإضاءة LED وأطراف (Specula) بمقاسات مختلفة ومقبض مريح، متاح بالأسود والأزرق والبمبي، بعلامة CE وضمان سنة.
التورش والشاكوش وقلم ونوتة صغيرة. دي الحاجات اللي بتطلعها كل شوية.
السماعة. لو لسه بتختار سماعة اقرا دليل أفضل سماعة طبية.
جهاز الضغط والترمومتر ومنظار الأذن والشوكة الرنانة، مع مناديل معقمة للتنضيف بين المرضى.
نضّف الأدوات واشحن التورش ورجّع كل حاجة مكانها علشان ماتدوّرش عليها المرة الجاية.
ولو لسه طالب في أول الكلية، عندنا دليل مخصوص لـ مستلزمات طالب الطب بالبالطو والسكراب والأدوات.
الـ Pen torch الطبي إضاءته مركزة وشكله قلم صغير، فبيناسب فحص الحدقة والزور. الكشاف العادي إضاءته واسعة ومش مناسب لفحص رد فعل الحدقة.
التورش المتاح عندنا بيتشحن بـ USB، فمش محتاج تشتري بطاريات. تشحنه من شاحن الموبايل أو اللابتوب.
الأساسي: سماعة، تورش، شاكوش ريفلكس. وبعدها جهاز ضغط يدوي وترمومتر. منظار الأذن والشوكة الرنانة حسب اللفة اللي انت فيها.
الـ 128 Hz لفحص الإحساس بالاهتزاز في الأعصاب، والـ 512 Hz لاختبارات السمع Rinne و Weber. اختار حسب استخدامك.
للتعلم والسكاشن اليدوي أحسن لأنه بيعلمك القياس بالسماعة، وده اللي بيتطلب في الـ OSCE. الديجيتال أسهل للبيت.
نكتب أدلة عملية لطلبة الطب والأطباء في مصر اعتمادًا على المراجع المعتمدة. المحتوى تعليمي ولا يغني عن البروتوكولات المعتمدة في مستشفاك.
ليس لديك حساب بعد؟
إنشاء حساب
